Vrasja me thikë në Tiranë, arrestohet një prej autorëve (Emri)

Ensi Maze dhe Axel Hoxhaj, 18-vjeçarë, janë dy personat që kanë goditur me thikë Stiven Toshkësin, i cili ndërroi jetë në spital.

Ngjarja është regjistruar pak pas mesnate, në rrugën “4 Dëshmorët” në kryeqytet, pas një konflikti që nisi për motive të dobëta.

Policia ka mundur të arrestojë deri tani vetëm Mazen, ndërsa Hoxhaj është ende në kërkim.

Aktualisht janë shoqëruar disa të tjerë në komisariat, si persona që mund të kenë dijeni për atë ç’ka ndodhi.

Grupi hetimor po punon për kapjen e autorëve dhe sqarimin e plotë të rrethanave të ngjarjes. Policia njoftoi po ashtu arrestimin e Ensi Mazes.

“Si rezultat i kontrolleve të pandërprera të shërbimeve të Policisë, është kapur dhe vënë në pranga njëri nga autorët e ngjarjes së ndodhur gjatë natës, shtetasi E. M”, njoftoi policia.