Zbardhen të tjera detaje nga ngjarja e rëndë që ndodhi sot në një azil pleqsh në Tiranë, ku një i moshuar goditi me bastun hekuri, duke i shkaktuar vdekjen shokut të tij të dhomës.
Ngjarja ka ndodhur rreth orës 04:00 të mëngjesit në një dhomë të azilit ku dy të moshuarit janë konfliktuar me njërin tjetrin për krevatin. Mësohet se autori, Zyhdi Shehi, 78 vjeç, i ka thënë shokut të tij të dhomës se “pse më ke zënë krevatin”.
Autori e ka qëlluar disa herë me bastun në disa pjesë të trupit dhe në kokë, duke e lënë 82-vjeçarin të vdekur në vend. Pas ngjarjes autori i dyshuar është arrestuar, ndërsa ndodhet në polici.
Punonjës së azilit privat ku ndodhi ngjarja kanë dëshmuar se të dy të moshuarit vuanin nga skleroza.
Discussion about this post