Habib Rexha, vëllai i Altin Rexhës, dyshohet se është autori i vrasjes së sotme në Kavajë, ku mbeti i vrarë Arian Gosa.
Arian Gosa u ekzekutua pasditen e sotme në Kavajë me pistoletë me një plumb në kokë ndërsa ishte në një lokal me babain tij.
Arian Gosa është vëllai i Armand (Edmond) Gosës, i cili mbeti i vrarë dy muaj më parë në Kavajë.
Ishte Edmond Gosa ai që u konfliktua me Altin Rexhën, pasi ky i fundit e kishte parë atë.
Më pas Gosa e quajti Rexhën malok dhe se nuk ka punë në Kavajë. Kjo solli një përleshje të tyre, ku njëri me thikë dhe tjetri me armë, arritën që të vrisnin njëri-tjetrin.
Arian dhe Armand Gosa nuk ishte hera e parë që përfshihej në një ngjarje kriminale. Para 11 viteve në qytetin e Kavajës, në vitin 2012 të dy vëllezërit masakruan me thika një të ri. Viktima Gentjan Gjuzi në atë kohë humbi jetën pak muaj më vonë në spitalin e neurokirurgjisë.
Sherri në atë kohë lindi për një shikim dhe solli për pasojë humbjen e jetës së babait të dy fëmijëve, 41-vjeçarit Mentor alias Gentjan Gjuzi.
Discussion about this post