Dy të arrestuarit, Ilmi dhe Klinton Rakipaj, 24 dhe 19 vjeç, si të dyshuar për vrasjen e Albert Dedas në Padova (Itali) ngjarje e ndodhur të dielën, u kapën teksa po përpiqeshin të arratiseshin nga vendi fqinj drejt Shqipërisë.
Mediat italiane kanë zbardhur detaje të reja lidhur me krimin e ndodhur ku si pasojë e një përplasjeje me thika mes dy grupeve mbeti i vrarë 24-vjeçari Albert Deda dhe u plagosën dy të tjerë.
Të arrestuarit janë dy të rinj, 19 dhe 24 vjeç, që kishin planifikuar largimin nga Italia, ndoshta drejt Shqipërisë, në një tentativë për ti shpëtuar arrestimit.
Ata u ndaluan nga policia në autostradë në afërsi të Villesse. Mediat raportojnë se në duart e të arrestuarve ishin ende shenjat e përleshjeve me 3 shqiptarët e tjerë, njëri prej të cilëve mbeti i vrarë dhe 2 të tjerët të plagosur.
Sipas mediave italiane, 2 të rinjtë e dyshuar kishin ndërruar rrobat e grisura dhe të gjakosura dhe kishin veshur rroba të reja.
Disa prej rrobave dhe sendeve të reja kishin ende etiketën e çmimit, çka tregon se ato ose ishin vjedhur në dyqane ose ishin blerë në nxitim e sipër.
Ndërkohë, jo shumë larg vendit të krimit, policia po kërkon për thikën apo thikat e përdorura, pasi autorët i hodhën ato në një lum aty pranë për të fshehur gjurmët. Këto armë ende nuk janë gjetur.
Ajo që dihet deri më tani është se mes grupit të shqiptarëve ka patur një përleshje me thika. Plagët i morën jetën Albert Dedës 24 vjeç dhe 2 shqiptarë të tjerë mbetën të plagosur. Ata ndodhen në spital.
Shqiptarët e plagosur janë të moshës 26 dhe 28 vjeç.
Pas ngjarjeve dy të rinj ishin arratisur me një “Clio” të kuqe. Dyshimi është se ata kanë qenë autorët e ngjarjes. Mëngjesin e sotëm karabinierët po kërkojnë thikat me të cilat dyshohet se u plagosën tre personat: kërkimet janë fokusuar në bregun e lumit në via Gattamelata.
Cfare ndodhi
Gjithçka ka ndodhur pak para orës 14:00 të së dielës. Fillimisht një sherr, më pas banorët kanë dëgjuar thirrjet ” ambulanza”.
Një banor që nxitoi për të parë se çfarë po ndodhte, gjeti një burrë të shtrirë në dysheme duke vdekur në një pellg gjaku. Ai ishte 24-vjeçari që do të vdiste menjëherë pas kësaj: i rrëzuar për tokë dhe i palëvizshëm, ai e mbajti derën hapur me njërën këmbë.
Jo shumë larg, jashtë sallës së hyrjes, nën portikun e brendshëm, kërkonin ndihmë dy të plagosurit. Mbërritja e autoambulancës sanitare ka qenë e menjëhershme, më pas në vendngjarje kanë mbërritur edhe karabinierët. Sipas dëshmive të banorëve, duket se dy shokët e dhomës në katin e tretë janë kthyer në shtëpi, kanë futur diçka në një valixhe, kanë marrë çelësat e makinës dhe janë larguar.
Discussion about this post