Detaje të reja janë zbuluar nga ngjarja e rëndë që tronditi Peqinin mëngjesin e sotëm, ku i vrarë mbeti Albi Bashaliu. Gijotina.com ka mësuar se viktima është vëllai i Leonard Bashaliu, ky i fundit ndodhet në burg i dënuar për vrasje.
Leonard Bashalliu vrau me armë zjarri shtetasin Ylber Xhahysa, në ambientet e një lokali. Ngjarja e ka pasur zanafillën 5 vite më parë, ku viktima i kishte gërvishtur mjetin autorit, dhe kjo është bërë shkak që konflikti të përsëritet. Mësohet se Leonard Bashalliu ishte një person problematik, dhe vazhdimisht pretendonte se ishte ”i forti” i fshatit, duke nxitur përplasje me banorët e tjerë të zonës.
Nisur nga ky fakt dhe informacionet nga grupi hetimor, dyshohet se vrasja e sotme ka ndodhur për hakmarrje. Grupi hetimor, me efektivë të policisë kriminale dhe ekspertë po kryen të gjitha veprimet procedurale e hetimore për mbledhjen e provave. Dyshohet se vrasja ka qenë e organizuar dhe e mirëmenduar.
Discussion about this post