Vrasja në Shkodër, pas sherrit në lokal autori shkoi në shtëpi dhe mori kallashin

Një konflikt i çastit në lokal ka qenë shkaku i vrasjes së 51- vjeçarit Agron Metushi, orët e para të mëngjesit të sotëm në Shkodër.

Burime për gijotina.com bëjnë me dije se autori i identifikuar me mërin Alfons Palushani pas sherrit në ambientet e një lokali në fshatin Stajkë të Vaut të Dejës ka marrë armën e zjarrit kallashnikov dhe në momentin që 51-vjeçari ka hipur në automjetin e tij për tu larguar, ai e ka qëlluar me armë zjarri, duke e lënë të vdekur.

Gjithashtu, bëhet me dije se autori kishte shkuar në shtëpi kishte marrë armën nga shtëpia dhe kishte qëlluar drejt 51- vjeçarit.

Ngjarja ka ndodhur rreth orës 03:00, në fshatin Shelqet, Vau i Dejës. Grupi hetimor nën drejtimin e Prokurorisë vijon punën në vendngjarje për sqarimin e plotë të rrethanave dhe dokumentimin ligjor të kësaj ngjarjeje.

Shërbimet e Policisë janë vënë në ndjekje të autorit dhe vijon kontrolli i zonës për kapjen e tij.

Gijotina.com do t’iu mbajë të përditësuar me informacionet më të fundit lidhur me këtë ngjarje.