Gjykata e Tiranës ka liruar nga burgu mikun e Jurgen Dukës, që mbeti i vrarë në market, disa ditë më parë në kryeqytet. Ka qenë prokurori që ka kërkuar lirimin e Orgest Drazhit nga qelia, duke vendosur ndaj tij vetëm masën e sigurisë ‘detyrim paraqitje’. Gjykata arsyeton se nuk mund të marrë një masë më shtrënguese sesa ajo e kërkuar nga prokuroria. Drazhi u arrestua me akuzën e moskallëzimit të krimit, ndërkohë që për vrasjen mbetet në kërkim efektivi i policisë Arbër Sula.
“Duke ju uruaj një ditë të mbarë, ju bëj me dije se lidhur me masën e sigurimit ne ngarkim të shtetasit Orgest Drazhi, seanca është zhvilluar ditën e djeshme date 16.12.2021, me prokuror të çështjes Petrit Hysi dhe gjyqtare Oltjona Goxha.
Në përfundim të gjykimit me kërkesë të prokuroris dhe në bazë të nenit 244/3 të K.Pr.Penale ku përcaktohet se gjykata nuk vendos dot një masë sigurimi më të rëndë se ajo e kërkuar nga ana e prokurorit, gjykata vendosi caktimin e masës së sigurimit “Detyrim për tu paraqitur në policinë gjyqësore”, parashikuar nga neni 234 i K.Pr.Penale”, thuhet në njoftimin e Gjykatës së Tiranës.
Discussion about this post