Andre Onana ka një marrëveshje verbale me Interin dhe është vendosur t’i bashkohet ‘Zikaltërve’ si lojtar i lirë, pavarësisht interesimit të Barcelonës, raportohet.
Onana ishte lidhur me gjigantët e Serie A dhe katalanasit, por sipas Fabrizio Romano, nuk ka asnjë dyshim për destinacionin e ardhshëm të portierit.
Korrespondenti i ‘Sky Sport Italia’ dha një përditësim mbi situatën e portierit në ‘Instagram’, duke pretenduar se kalimi i tij te Interi si lojtar i lirë është një punë e përfunduar.
“Vendimi është marrë muaj më parë dhe është ende e qartë. Onana dëshiron t’i bashkohet Interit si klubi i radhës, marrëveshje verbale në fuqi duke filluar nga sezoni 2022-2023. Konsiderohet çështje kohe. Onana e respekton Barcelonën si klubin e tij të parë, por ai kurrë nuk tha se Barça është opsioni i tij i parë”, -shkruan Romano.
Në fillim të kësaj jave, 25-vjeçari tha se Barcelona është “një nga ekipet më të mira në botë”.
“Dua të luaj çdo javë. Kjo është arsyeja pse unë vlerësoj aspektin sportiv,” vazhdoi ai.
Onana do t’i bashkohet Interit si lojtar i lirë në fund të sezonit, duke qenë se kontrata e tij me Ajax skadon në qershor të 2022.
Gjatë një interviste me ‘Sky Sport Italia’, drejtori i Interit, Piero Ausilio, konfirmoi se kamerunasi është një nga ata lojtarë të monitoruar nga afër prej ‘Zikaltërve’./K.T/Gijotina.com
Discussion about this post