Zbardhen detaje të reja nga krimi i rëndë që tronditi sot kryeqytetin, ku një person ka vrarë ish-dhëndrin e tij, Kudret Saliaj dhe plagosi avokatin Adriatik Cama. Mesohet se, autori i dyshuar, shtetasi Mexhit Picari ka hyrë në lokal dhe ka hapur zjarr direkt drejt ish-dhëndrit, dhe në rrethana ende të paqarta është plagosur dhe ish-prokurori.
Mesohet se, çifti ishte në proces divorci dhe se sot kishin seancën e gjashtë gjyqësore për zgjidhjen e martesës.
Kishte qenë viktima që kishte bërë kërkesë për zgjidhje të martesës pranë gjykatës, gjë që nuk ka marrë aprovimin e palës tjetër, duke çuar në krimin e rëndë. Padia për divorc është paraqitur me 24 dhjetor 2020, ndersa gjyqetare ishte Irena Plaku.
Fill pas ngjarjes, autori i dyshuar u largua nga vendi i ngjarjes me një makinë Hyundai. Po ashtu bëhet e ditur se Picari nuk ka precedentë penale, ndërkohë që policia ka ngritur disa pika kontrolli.
