Detaje të reja janë zbardhur nga vrasja e ndodhur mëngjesin e sotëm në Vaun e Dejës.
Viktima dhe autori ishin në gjendje të dehur, sherri ka agravuar dhe 37- vjecari Alfons Palushani ka qëlluar për vdekje me kallashnikov Agron Metushi.
Gijotina.com zbardh shkakun e ngjarjes. Palushani dhe Metushi kanë ofenduar njeri-tjetrin, duke përfunduar në vdekjen tragjike të 51- vjeçarit.
Viktima Metushi dhe autori i dyshuar Palushani ndodheshin në një lokal, por në tavolina të ndryshme. Gjatë qëndrimit në lokal viktima dhe autori kanë fyer njeri-tjetrin në distancë.
Rreth orës 3 të mëngjesit, Palushani ka marrë një armë zjarri automatik kallashnikov dhe ka qëlluar në oborrin e lokalit Metushin i cili mbeti i vdekur në vend. Menjëherë policia shkoi në vendngjarje dhe përveç trupit të viktimës gjeti aty edhe pronarin e lokalit i cili po priste.
Theksojmë sërish se dyshohet se personat e përfshirë në këtë ngjarje të rëndë kane qenë të alkoolizuar. Efektivët po bëjnë shoqërimin në polici të disa personave të tjerë qe kanë qenë në lokal për të mësuar me shumë rreth kësaj ngjarje.
Discussion about this post