E ardhmja e kriminelit të ashpër shqiptar,Jani Aliaj, i cili u vra dje në burgun e Koridallos nga një i burgosur tjetër, me sa duket ishte e paracaktuar, shkruan media greke.
I burgosuri, për të cilin ishte lëshuar një urdhër vdekjeje, i kishte shpëtuar një atentati rreth 6 muaj më parë në të njëjtin burg.
Megjithatë, dje, ai nuk arriti t’i shpëtonte grekut 27-vjeçar, gjithashtu një kriminel i rrezikshëm, i cili hyri në qelinë e tij dhe e goditi me thikë për vdekje.
49-vjeçari Aliaj, i cili ishte arratisur nga burgu i Korfuzit shumë vite më parë, pasi iu dha leje dhe nuk u kthye më kurrë, më në fund ra në duart e autoriteteve pas gati nëntë vitesh dhe që atëherë ka qenë i burgosur.
Prej kohësh, informacionet flasin se viktima ishte vënë në shënjestër të rivalëve, të cilët më në fund arritën ta ekzekutonin “kontratën e vdekjes” dhe ta largonin nga rruga.
Në fakt, disa muaj më parë ai ishte në një “status mbrojtjeje” dhe mbahej në një qeli me një oficer policie që ishte akuzuar për drogë.
Megjithatë, as kjo nuk rezultoi e mjaftueshme, pasi dje, bashkë i burgosuri i tij grek i shkaktoi goditje kritike në trup, nga të cilat përfundimisht vdiq.
Discussion about this post