Një ngjarje e rëndë dyshohet të ketë ndodhur në Elbasan pak çaste më parë. Nga informacionet bëhet me dije se një person ka humbur jetën. Policia është nisur drejt vendit të ngjarjes. Një makinë është gjetur e djegur në vendin e quajtur Balldre.
Burimet bëjnë me dije se ka pasur të shtëna, ku si pasojë një person ka humbur jetën dhe një tjetër është plagosur.
Ngjarja ka ndodhur pranë një pike karburanti, në vendin e njohur si rrethrrotullimi i luleve. Grupi hetimor është vendosur në vendngjarje ku ka nisur hetimet. Nga informacionet paraprake, vendi është i pajisur me kamera sigurie.
Personi i ekzekutuar mbrëmjen e sotme në Elbasan është identifikuar si Ardjan Çollaku, i cili ndodhej brenda një lokali.
