Një vrasja ka ndodhur në kompaninë Tesla, të Elon Musk. Punonjësi Anthony Solima, akuzohet se ka qëlluar për vdekje një nga kolegët e tij jashtë fabrikës së prodhimit të kompanisë në Fremont. 29-vjeçari u arrestua pasi detektivët shikuan kamerat e sigurisë duke konstatuar se Solima ka qëlluar ndaj kolegut në parking.
Policia tha se zyra e mjekësisë ligjore po punon për të konfirmuar identitetin e viktimës. Detektivët përcaktuan se i dyshuari dhe viktima po debatonin me njëri-tjetrin më herët gjatë ditës. Sipas një hetimi paraprak nga departamenti i policisë, Solima ishte larguar papritmas nga puna para se të qëllonte kolegun e tij.
Autori u transportua në Departamentin e Policisë së Fremont për t’u marrë në pyetje e më pas u dërgua në burgun Santa Rita. Më shumë se 10,000 punonjës punojnë në fabrikën Fremont të Tesla-s, e cila përfshin 5.3 milionë metra katrorë të prodhimit dhe hapësirës së zyrës në 370 hektarë tokë.
Burimi: CNN
Discussion about this post