Prokuroria e Prishtinës ka ngritur akuza ndaj Skënder Krasniqit, i cili dyshohet për vrasjen e djalit të tij, Albert Krasniqi.
Sipas zëdhënëses së kësaj prokurorie, e cila ka bërë me dije se Skënder Krasniqi akuzohet për veprën penale “Vrasje nga pakujdesia”.
Kujtojmë këtu që ngjarja ka ndodhur në datën 27.01.2021 rreth orës 17:00, në parkimin e ndërtesës ku ata banonin, teksa si pasojë e plagëve të marra, i riu ndërroi jetë në vendngjarje.
Në lidhje me këtë ngjarje ka pasur një deklaratë në policia nga xhaxhai i viktimës, i cili pohoi se ngjarja ka ndodhur nga pakujdesia. Ismet Krasniqi është shprehur se nipi i tij kishte blerë një armë, të cilën po ia tregonte të atit. Në momentet që ky i fundit po e shihte, e ka shkrepur aksidentalisht, pa e ditur se ajo ishte e mbushur.
