Është zbardhur dëshmia e 30-vjeçarit Esmerald Balla, i cili vrau me armë babanë e tij Enver Balla në Shënavlash të Durrësit.
Para hetuesve, ai ka thënë se vrasjen e ka kryer në gjaknxehtësi e sipër. Pasi u vendos para fakteve, 30-vjeçari pranoi krimin dhe tha se kishte vepruar në gjaknxehtësi, pasi zbuloi se babai për shkak të marrëdhënieve që kishte me gra jashtë martese kishte prishur kursimet e shtëpisë.
“Ne kemi një fermë të vetme të vogel dhe aty punonim të dy me babanë dhe pjestarët e tjerë të familjes. Gjërat nga ana ekonomike po shkonin shumë mirë dhe s’kishim asnjë problem, pasi secili bënte detyrat e veta. Une po ndërtoj një shtëpi të re, (pranë asaj që jetojnë), dhe punimet kishin ecur shumë mirë. Neve në shtëpi nga puna disavjeçare kishim një sasi afro 75 mijë euro. Ditën e ngjarjes shkova të merrja lekët pasi sipërmarresi i punimeve kërkoi pagesën sepse e kishte mbyllur punën për të cilën kishim rënë dakord. Shkova te vendi për të marrë paratë dhe ta paguaja dhe konstatoj se mungonin 75 mije eurot. I them babait” ku janë paratë”!? “Se di”,- me tha. Kasaforta ishte dëmtuar me mjete te forta. Ishte hapur. Aty nisëm të debatonim. Une të vras, me tha, dhe mori pistoletën dhe ma drejtoi. Në një moment iu afrova dhe u kapëm me duar. Në momentin që po u përpoqa t’ia hiqja nga dora pistoleten ajo u shkreh”,- ka deklaruar fillimisht Esmeraldi.
Duke vijuar me tej rrëfimin e tij, Esmeraldi deklaroi se nuk kishte për qellim ta vriste të atin dhe e konsideroi aksident.
“Kur u shkreh arma dhe pasi pashë që babai ishte qëlluar mu shemb bota, pasi nuk doja që të ndodhte kështu. Me kapi paniku. Nuk dija çfarë të bëja. Kisha frikë të denoncoja krimin në polici edhe pse ishte aksident.
E mora trupin në makinën dhe kemi një pus diku 1 mijë metra larg shtëpisë. E hodha aty qe ta fshihja. Telefonin ja fika, i hoqa kartën dhe e hodha edhe telefonin në pus. Mirëpo nuk ndihesha mire. Më kapi ankthi dhe u bëra keq. Shkova në spitalin e Durrësit për vizite. Mjekët më dhanë ca ilaçe. Pas nja dy ditësh e denoncova babain të zhdukur në polici. Thashë në polici se babai kishte marre lekët dhe ishte zhdukur me një femër tjeter. Lajmërova edhe vellezerit. Iu thashë që babai ka ikur nga shtëpia. Kështu vazhdoi për disa ditë deri në momentin qe ju e zbuluat ngjarjen. Më vjen shumë keq nuk doja të shkonte kështu”,- ka thënë mes te tjerash Esmarald Balla.
Discussion about this post