Ndonëse gjuetia e kafshëve të egra në vendin tonë është e ndaluar, duket se ka disa gjuetarë që nuk zënë mend.
Shoqata për mbrojtjen dhe ruajtjen e mjedisit natyror në Shqipëri ka publikuar një rast flagrant të gjuetisë së paligjshme të dhisë së egër në Malin e Gramozit.
Sipas njoftimit të kësaj shoqate, një gjuetar ka vrarë një dhi të egër në anën greke të Malit të Gramozit, ndërsa aktualisht është drejtuar në anën shqiptare të këtij mali, ku do t’i duhet rreth dy orë për të arritur në fshatin më të afërt të zonës së Ersekës. Shoqata i bën thirrje banorëve që nëse e shikojnë gjuetarin të njoftojnë policinë.
