Pëllumb Çela, 49-vjeçari i cili ka një vit që ka dalë nga burgu pasi në vitin 2001, kur ishte vetëm 26-vjeç u dënua me 25 vjet heqje lirie për akuzën e vjedhjes me armë me pasojë vdekjen e 2 ushtarakëve, është arrestuar në Memaliaj pasi akuzohet për dhunë në familje.
Ushtarakët, kushërinj, u vranë në një pritë të ngritur ndaj tyre në mesnatën e 7 marsit të vitit 2000. Ata udhëtonin me gjithë familjet e tyre drejt Tiranës për të marrë pjesë në ceremoninë e varrimit të një të afërmes së tyre.
Specialistët për Hetimin e Krimeve të Stacionit të Policisë Memaliaj arrestuan në flagrancë shtetasin P. Ç., 49 vjeç, banues në Memaliaj, me probleme të shëndetit mendor, pasi ka ushtruar dhunë fizike ndaj vëllait të tij.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
–
Memaliaj/Informacion paraprak
Mbrëmjen e sotme, në Memaliaj, është djegur pjesërisht një banesë sociale në të cilën jetonin 4 shtetas (nëna me 3 fëmijët).
Nga flakët janë shkaktuar vetëm dëme materiale.
Paraprakisht dyshohet se zjarri është ndezur aksidentalisht nga njëri prej fëmijëve, që vuan nga probleme të shëndetit mendor.
Grupi hetimor po punon për zbardhjen e rrethanave të rastit.
Discussion about this post