Një burrë është dënuar me 18 vite burg pasi ka rrahur për vdekje gruan e tij në ditën e tyre të dasmës. Mësohet se Stepan Dolgikh, 35 vjeç, rrahu për vdekje gruan Oksana Poludentseva, 36 vjeç dhe më pas e hodhi trupin e saj në një luginë në Novosibirsk, Rusi.
Vrasësi i pa penduar tha në Gjykatë se ai besonte se nusja e tij e re e kishte tradhtuar. Dolgikh kishte qenë i dënuar më parë për vrasje, por gruaja e tij besonte se mund ta zbuste atë.
Dëshmitarët thanë se ai filloi të godiste me shqelma dhe grushte gruan pasi u bë xheloz sepse nusja po fliste me një të ftuar në dasmë. Ai akuzoi gruan e tij të re për “sjellje të gabuar”, thuhet.
Ai më pas vazhdoi ta sulmonte Brenda në shtëpi duke e kapur për flokësh, shkruan Daily Mail.
Ngjarja ndodhi disa orë pasi çifti kishte shkëmbyer betime në dasmën e tyre. Të ftuarit e tjerë ishin shumë të frikësuar për të ndërhyrë, por ata thirrën forcat e rendit.
Discussion about this post