Pak minuta më parë është gjendur makina në pronësi të Sokol Halilit, i cili ditën e djeshme vrau ish-gruan e tij në oborrin e maternitetit në Prishtinë.
Nacionale ka publikuar fotografitë e makinës në pronësi të Halilit e cila është gjetur në sheshin “Ahmet Shtimja” në fshatin Shtimë ku edhe banonte.
Babai i Sokolit, Halil Halili është marrë nga policia e Kosovës në vendin ku është gjetur dhe makina e djalit të tij për të vërtetuar dhe pronësinë e saj.
Ngjarja e rëndë ndodhi mbrëmjen e djeshme rreth orës 18:00 në Prishtinë. Sokol Halili qëlloi për vdekje me armë zjarri ish- bashkëshorten e tij shtatzënë Hamide Magashi para Maternitetit në Prishtinë. 35-vjeçarja ishte në javët e fundit të shtatzënisë.
Lexo edhe: Paralajmërimi i Braçes për largim nga PS, Rama: Hani një lugë…
Ajo ishte paraqitur për kontroll pranë Maternitetit, por në oborr është konfliktuar me Halilin. Ish-Bashkëshorti i saj e ka qëlluar atë disa here me armë, por dy plumba kanë qenë ata që i kanë marrë jetën asaj dhe fëmijës së kishte në bark. Halili dhe Magashi kishin më pak se një vit të martuar bashkë dhe po prisnin fëmijën e tyre të parë. Por martesa e tyre kishte probleme dhe Magashi kishte kërkuar divorcin.
Discussion about this post