Prokuroria e Elbasanit ka kërkuar 20 vite burg në total për Erjon Llapushin, i cili vrau në 21 tetor të 2021, një kamerier në Elbasan pas sherrit për një tavolinë.
Llapushi, i cili vazhdon të jetë në arrati, akuzohet për veprën penale të “Vrasjes me dashje”.
Pas sherrit për një tavolinë, Llapushi kapi nga fyti kamerierin Gazment Kurmaku, e kërcënoi me një thikë, dhe më pas e godit me grusht, dhe kjo ishte fatale për jetën e kamarierit.
Ndërsa bashkëpunëtori i tij, Luan Dulellari nuk bëri asnjë lëvizje për të ndaluar shokun e tij apo për të mbrojtur viktimën, por u arratis.
Sherri mes tyre, nisi për një tavolinë të rezervuar, ku mësohet se kryekamarieri i ka bërë me dije Llapushit, se ajo ishte e zënë dhe nuk duhej të ulej aty.
Discussion about this post