Gjykata ka lënë në burg efektivin Ludian Zaimi i cili vrau me armën e shërbimit kolegun e tij, Çaush Saliasin në komisariatin numër 3 në Tiranë. Oficeri i ri i veshur me uniformën e Policisë së Shtetit, iu vunë prangat nga kolegët me akuzën e vrasjes me paramendim.
I riu rrezikon burgim të përjetshëm për krimin që ka kryer. Paraprakisht është raportuar se Zaimi e kishte planifikuar vrasjen e kolegut që shërbente për më shumë se 20 vjet në radhët e Policisë së Shtetit. Nga hetimet paraprake se autori rezulton se kurohej me ilaçe degresive.
Burime bëjnë me dije se ka nisur sepse Saliasi ironizonte kolegun e tij, që prej më shumë se një viti shërbente në radhët e Policisë së Shtetit. Në dëshminë e tij, autori ka thënë se viktima e ka ngacmuar me fjalë dhe se gjithë kohës që hasej me të, efektivi e bullizonte, deri në momentin që nuk ka duruar më dhe ka nxjerrë armën.
Viktima, Çaush Saliasi kishte mbi 20 vite që punonte si efektiv në Polici, ndërsa Zaimi i ishte bashkuar uniformave blu rreth 1 vit e gjysmë më parë.
Ngjarja e rëndë ndodhi rreth orës 21:20 në ambientet e brendshme të komisariatit, konkretisht në zyrën e instruktazhit, pak para se të merrnin turnit. Ata janë konfliktuar edhe më herët, teksa referuar dëshmisë së 25-vjeçarit, thotë se e qëlloi “pasi e tallte prej kohësh”.
Discussion about this post