Asnjë ambasadë nuk e uroi për zgjedhjet në PD, Berisha: S’e kanë bërë kurrë!

Ish kryeministri Sali Berisha tha sot për mediat se për të nuk përbën veçanti fakti që asnjë nga ambasadat e BE në Tiranë nuk e kanë uruar pas zgjedhjeve të 22 majit. Në deklaratën para gazetarëve, Berisha tha se në memorien e tij nuk mban mend ta kenë uruar ambasadorët.

Pyetje: Që kur je zgjedhur asnjë nga ambasadat e BE nuk ju kanë uruar, a është një gjë normale kjo?

Sali Berisha: Asnjë lloj veçantie, nuk mbaj mend kur jam zgjedhur herët e tjera të jem pasur ambasadorë që të më kenë uruar. Në memorien time nuk mbaj mend ndonjëherë ndonjë gjë të tillë

Pyetje: Zyrtari McAllister deklaroi se PPE do kenë një forum të rëndësishëm në ditët në vijim, a keni ftesë për të qenë pjesë e këtij takimi?

Sali Berisha: PPE si e keni marrë vesh ju, për momentin po mban qëndrim neutral, por zëri ynë do të jetë i pranishëm.