Gjykata e Apelit ka lënë në fuqi dënimin me burg të përjetshëm për Dashamir Xhepën, i cili dy vite më parë vrau kunatën e tij. Xhepa kërkoi që t’i hiqet dënimi, por kjo kërkesë është refuzuar menjëherë nga Apeli i Posaçëm.
Ngjarja e rëndë ndodhi më 13 shkurt të 2019. Xhepa ka vrarë kunatën e tij, Lirie Xhepa dhe më pas trupin e pajetë e hodhi në liqenin e Sharrës. Sipas burimeve, trupa gjykuese mësohet të ketë pranuar kërkesën e prokurorisë të bërë në datë 21 tetor 2020, që Xhepa të mbyllej në qeli përjetë për krimin e bërë. Gjithashtu kujtojmë se, Xhepa u arrestua 13 ditë pas vrasjes së kryer, në një hotel në Peshkopi, ndërsa efektivët e policisë ishin kamufluar si klientë. Theksojmë se gruaja 49-vjeçare, Lirie Xhepa nëna e 4 fëmijëve, u gjet e pajetë pranë kodrave të liqenit të Sharrës. Shkak i këtij krimi ka qenë një konflikt pronësie dhe se sipas tij Lirie Xhepa i kishte ulur reputacionin familjes.
