Arrestohet pas 7 vitesh ish- agjenti i SHISH Xhevahir Mzhika, i akuzuar për vrasjen e Florian Selmanit në 2014. Burime nga policia për gijotina.com bëjnë me dije se 51-vjeçari është kapur në rrugën “Babë Rexha”, anës lumit, dhe në momentin e ndërhyrjes së Policisë ka tentuar të largohet, por është neutralizuar nga shërbimet e Policisë.
Vrasësi i cili është cilësuar si person me rrezikshmëri të lartë shoqërore do të vuajë 10 vite burg të vendosur nga Gjykata e Shkallës së Parë Tiranë për veprat penale “Vrasja me dashje” dhe “Armëmbajtja pa leje”.
Ngjarja
Ngjarja për të cilën u fajësua ish-agjenti sekret Mzhika pati si shkak përplasjen e nisur për një gomë të përdorur, që ai e bleu në servisin e administruar nga i ndjeri. I pandehuri ishte nisur për një udhëtim bashkë me anëtarë të familjes së tij, por pësoi një aksident të lehtë në dalje të Tiranës. Sipas Prokurorisë, aksidenti është shkaktuar nga plasja e gomës, që kishte blerë tek i ndjeri Selmani.
Pas aksidentit, i nervozuar, 43-vjeçari Mzhika ka shkuar te servisi ku i ka kërkuar llogari të ndjerit dhe vëllait të tij. Sipas Prokurorisë, ai është konfliktuar dhunshëm me pronarët. Ai është larguar për t’u kthyer aty disa minuta më vonë me një armë në dorë, me të cilën ka qëlluar 33-vjeçarin Selmani.
Discussion about this post