Policia tajlandeze ka vënë në pranga bashkëshorten e një kolegut të tyre, pasi akuzohet për vrasje me paramendim. Mediat e huaja raportojnë se autoritetet kanë zgjeruar hetimin ndaj saj duke zbuluar se Sararat Rangsiwuthaporn ka vrarë 13 persona duke i helmuar me cianid.
Rangsiwuthaporn, u arrestua të martën për 9 vrasje të dyshuara që ndodhën gjatë disa viteve. Policia beson se motivi i vrasjeve ishin paratë, por bëri me dije se e arrestuara, e cila është 4-muajshe shtatzënë, është diagnostikuar më parë me probleme psikike.
Oficerët tani po hetojnë të paktën 13 raste vdekjesh të dyshimta që datojnë nga viti 2020. Ndërsa e arrestuara ka hedhur poshtë të gjitha akuzat ndaj saj.
Oficerët gjetën një substancë në shtëpinë e gruas që autoritetet besojnë se është cianid dhe dyshojnë se ajo ka helmuar ushqimin dhe pijen e viktimave. Hetuesit kanë marrë në pyetje bashkëshortin e saj oficerin e policisë dhe dëshmitarë të tjerë për të mësuar më shumë për rrethanat e ngjarjeve.
Discussion about this post