Vrau me thikë motrën e saj, Gjykata lë në burg 40-vjeçaren nga Tirana

Ka përfunduar seanca gjyqësore ndaj 40-vjeçares Marsela Pushani, e cila vrau me thikë të motrën në Tiranë.

Seanca u mbajt me dyer të mbyllura. Gjykata ka dhënë masën e sigurisë “Arrest me burg” për Marsela Pushanin.

Fillimisht familjarët e raportuan në polici si vdekje natyrale, por pas autopsisë u zbulua se 37-vjeçarja kishte vdekur për shkak të goditjeve me thikë.

Sipas dëshmisë së 40-vjeçares, e motra viktima kishte shkuar e dehur në shtëpi në momentin që ndodhi krimi dhe kishte disa shishe birrë në dorë.

40-vjeçarja ka deklaruar se ato po debatonin pasi po i kërkonte llogari për gjendjen e saj duke qenë se kishin rënë dakord që s’do pinte më. Sipas 40-vjeçares, vikitima Amanda kishte marrë thikën në dorë dhe duke tentuar t’ia hiqte ajo e kishte qëlluar për vdekje.