Janë zbardhur të tjera detaje nga ngjarja e rëndë që ndodhi në Greqi, ku një shqiptar masakroi me thikë gruan e tij 41-vjeçe në shtëpinë e tyre në Tsilivi, Zakynthos. Pasi është shoqëruar në komisariat ai ka thënë me bindje se nuk është penduar për këtë veprim, por e vrau të shoqen sepse ajo e tradhtoi. “Së fundmi kisha marrë vesh se më tradhtonte. Prandaj isha bërë i dhunshëm ndaj saj. Natën pas ngjarjes u zbrita në mal, në Bohali. S’e kuptova që e kisha vrarë. Më vjen keq, por fatkeqësisht s’munda të bëja asgjë tjetër. Ajo më tradhtoi dhe unë e humba kontroll , është shprehur ai. Autori pasi vrau gruan e tij u largua nga shtëpia, ndërsa policia nisi kërkimet për ta gjetur. Më në fund ai është gjetur në zonën e Marathisë, në Keri, ndërsa është gjetur edhe thika e vrasjes.
Ai ka treguar se orës 20:00, filloi ta rrihte pa mëshirë, duke lëshuar mbi gruan të gjithë inatin që kishte nga tradhtia, pasi sytë i ishin errësuar nga nervozizmi. Ndërsa situata rëndohet edhe më shumë kur mësohet se autori ishte në kërkim prej kohësh, pasi e shoqja e kishte denoncuar më parë për dhunë. Ai kishte arritur t’i fshihej policisë dhe këtë herë u kthye për të vrarë gruan.
Sipas një dëshmitari okular, një fqinje, shqiptari e ka kapur nga flokët dhe e ka tërhequr zvarrë në ballkon duke thirrur “Do të të vras”. Ai e rreh ashpër dhe kur gruaja lufton për të shpëtuar jetën, 49-vjeçari merr thikën e kuzhinës, fillon ta godasë me furi në qafë dhe gjoks dhe i “merr” jetën. Pas aktit të tij ai zhduket dhe pak para orës 10 të mëngjesit të sotëm arrestohet.
Discussion about this post