62-vjeçari Arsen Dani i cili të hënën masakroi me thikë nënën e tij Gjylie Dani do të qëndrojë në burg pa afat, e po ashtu do të shtrohet në një spital psikiatrik.
Ai u njoh këtë të enjte me masën e sigurisë dhe referuar gjendjes së shëndetit mendor të tij, pas vlerësimit të rastit prokurori Francesk Ganaj kërkoi që ai të shtrohet në spital, kërkesë që u pranua dhe nga gjyqtari Lirim Bullica.
Krimi në familje tronditi Lezhën mesditën e 13 majit. Arsen Dani 62-vjeç person me probleme të shëndetit mendor goditi me thikë nënën e tij të moshuar. E moshuara, Gjylije Dani 88-vjeçe humbi jetën në mënyrë tragjike.
Ngjarja u shënua rreth orës 14:30 minuta në apartamentin ku jetonte vetëm e moshuara me të birin e sëmurë.
Ish-arsimtarja u qëllua disa herë me thikë në pjesën e shpinës nga djali i saj Arsen Dani. Nga plagët e marra ajo gjeti vdekjen e menjëhershme, ndërsa kanë qenë fqinjët të cilët kanë dëgjuar zhurmën dhe kanë njoftuar policinë.
Lexo edhe:
Dëshmia/ 62-vjeçari që vrau të ëmën në Lezhë: Kam vrarë 2 mijë veta, po s’më beson njeri
Discussion about this post