Prokuroria e Elbasanit ka mbyllur hetimet dhe ka dërguar për gjykim dosjen për 24-vjeçarin, Ardit Hida, i cili vrau Florenc Kovaçin dhe plagosi vëllain e tij, Mikel Kovaçi, ngjarje e ndodhur më 5 nëntor të një viti më parë. Në njoftim bëhet me dije se Hida ndaj Hidës rëndon akuza “Vrasje në rrethana të tjera cilësuese” që parashikon dënimet më të rënda në Kodin Penal.
“Ky procedim i referohet ngjarjes së datës 05.11.2021 ku në qytetin e Elbasanit i pandehuri Ardit Hida vrau me armë të ftohtë viktimën F.K, i cili ka gjetur vdekjen në vend dhe ka plagosur rëndë shtetasin e mitur M.K.. I pandehuri është hetuar nën masën e sigurisë “Arrest në burg”,”- thuhet në dosje.
Si ndodhi ngjarja?
Ngjarja ndodhi në Elbasan. Florenc dhe Mikel Kovaçi u përleshën me një grup të rinjsh, mes tyre dhe Ardit Hida. Gjithë sherri nisi për shkak të ngacmimit të motrës së Hidës. Ardit Hida kishte shkuar për të takuar vëllezërit Kovaçi, kjo pasi 14-vjeçarja kishte lidhje me një prej tyre, Mikel Kovaçin. Familja Hida pretendonte se vajza drogohej, pasi Kovaçi i siguronte lëndë narkotike.
Si pasojë e këtyre konflikteve, Hida shkoi bashkë me një grup djemsh që të sqarohej me vëllezërit Kovaçi. Por, në sherr e sipër u përdorën thikat dhe Hida qëlloi Florenc dhe Mikel Kovaçin. Florenc Kovaçi ndërroi jetë, ndërsa Mikeli u plagos, por mbijetoi.
Discussion about this post