Policia italiane ka arrestuar autorin e dyshuiar të ngjarjes së rëndë që tronditi kryeqytetin italian, Romën të enjten e kaluar ku dy prostituta kineze u gjetën të vrara në apartamentin e tyre në Prati ndërsa një trangjinore kolumbiane u gjet në një zonë aty afër.
Ngjarja shkaktoi një panik tek banorët e zonë të cilët dyshonin se në lagje qarkullonte një vrasës serial.
Bëhet fjalë për 51-vjeçarin Giandavide De Pau, i cili ishte filmuar nga kamerat e sigurisë duke hyrë në pakllat. Ai ishte akuzuar dhe më parë për ngacmime seksuale.
I dyshuari raportohet si anëtar i klanit mafioz të drejtuar nga Michele Senese, që po kryen aktualisht dënim të përjetshëm për krimet e bëra. De Pau besohet se ka qenë një bashkëpunëtor i ngushtë i Senese, duke vepruar si shofer dhe krahu i tij i djathtë.
Ngjarja e rëndë që tronditi Romën ndodhi të enjten e kaluar. Dy prostituta kineze u vranë me thikë në zonën e Pratit, njëra prej tyre u gjet në shkallët e pallatit me plagë të shumta thike ndërsa tjetra brenda në apartament.
Pak orë më vonë Policia gjeti një tjetër viktimë afër së njëjtës zonë, bëhej fjalë për një trangjinore kolumbiane dhe kjo e masakruar me thikë, Deri më tani nuk dihet nëse autori ka vepruar i vetëm apo për llogari të bandës kriminale së ciliës i përkiste.
Discussion about this post