Veselin Vesko Bujiç është gjetur i pajetë në një makinë në afërsi të plazhit të Sutomores në Shtërbina. Policia po heton rrethanat në të cilat ka ndodhur vdekja, shkruan “Kurir”. Ai konsiderohej si një nga drejtuesit e dyshuar të klanit kriminal të Tivarit.
Sipas informacioneve të para që vijnë nga vendi i ngjarjes, trupi i Bujiçit është gjetur rreth orës 17:30. Aktualisht po verifikohen nëse bëhet fjalë për vetëvrasje apo për vrasje të kreut të grupit mafioz, i cili konsiderohej si person i sigurisë prej dekadash. Burime jozyrtare bëjnë të ditur se ka qënë djali i Bujiçit, Ognjen, ai i cili ka lajmëruar policinë rreth orës 14:30 për zhdukjen e të atit.
Kush ishte Veselin Bujiç
Veselin nga Barani me dekada konsiderohej si një nga liderët e klanit kriminal të Tivarit. Në fund të gushtit të vitit 2013 ai u lirua nga burgu i Spushës pasi kishte ardhur vendimi përfundimtar për amnisti.
Bujiç u dënua me dy vjet e gjysmë burg për tentativë vrasje dhe nxitje për tentativë vrasje.
Ish-boksieri i “Marinarëve” u përfshi në përballje të shumta në vitet ’90, ndërsa më pas u vu në shënjestër të tentativave për likuidim në verën e vitit 2008. Grupi rreth Nikolla Spasojeviqit akuzohej se kishte fshehur dhe përdorur një banesë me qira në pronësi të Safet Kaliqit në Podgoricë, me qëllim përgatitjen për vrasjen e Bujiçit.
Likuidimi ishte përgatitur për shkak të hakmarrjes ndaj Bujiçit, i cili e plagosi Spasojeviçin në vitin 2002. Djali i Bujiçit, Šćepan, u dënua me 20 vjet burg për vrasjen e vëllezërve Ljubomir dhe Dejan Gojaçanin në shkurt të vitit 2013 në Tivar.
Discussion about this post