Mitrovica është një përfshirë nga një ngjarje të rëndë ditën e sotme, ku një 26-vjeçar është vrarë me thikë pas një zënke me dy persona të tjerë. Lajmin e ka konfirmuar zëdhënësi i Policisë për Rajonin e Mitrovicës, Avni Zahiti, i cili mes të tjerash deklaron se krimi është kryer nga dy persona të cilët ndodhen ende në arrati.
“Reth orës 00:15, të datës 30 tetor 2021, është raportuar se në rrugën “Artim Jashari” në Mitrovicë, se një person viktima mashkull kosovar A. M. 26 vjeçar dyshohet se, pas një zënke- mosmarrëveshje, është sulmuar fizikisht me një mjet të mprehtë (thikë) nga dy të dyshuar meshkuj kosovarë të cilët gjenden në arrati”- ka thënë Zahiti.
Detaje në lidhje me rastin ka dhënë edhe Policia e Kosovës përmes një komunikate zyrtare, ku bën me dije se pas pranimit të ndihmës së parë në Spitalin Rajonal Mitrovicë, 26-vjeçari është transportuar në QKUK, ku ka ndërruar jetë si pasojë e plagëve të marra.
“Viktima pas pranimit të ndihmës së parë në Spitalin Rajonal Mitrovicë është transportuar në QKUK i cili duke mos u përballuar lëndimeve të marra ka ndërruar jetë, vdekjen e të cilit e ka konfirmuar ekipi mjekësor. Njësit relevante kanë dalë në vendin e ngjarjes ndërsa trupi i pajetë i viktimës me vendim të prokurorit është dërguar në IML”, thuhet në raport.
Përmes një postimi në faqen zyrtare të pak minutave më parë, Policia bën me dije se është bërë identifikim i autorëve të krimit dhe po vijon puna për arrestimin e tyre.
