Presidenti serb Aleksander Vuçiç ditën e sotme ka zhvilluar një bisedë me kryeministrin norvegjez Jonas Gahr Store, ku është shprehur se dialogu mes Prishtinës dhe Beogradit është rruga e vetme për të gjetur një zgjidhje kompromisi duke shtuar se Beogradi mbetet i përkushtuar për paqe dhe stabilitet në vend.
Gjithashtu, gjatë kësaj bisede telefonike mes tyre Vuçiç ka shtuar se marrëdhëniet dhe diskutimet mes Serbisë dhe Norvegjisë edhe pse janë të mira në të gjitha fushat ka vend edhe për përmirësim të dialogut politik në nivelet më të larta, përfshirë bashkëpunimin ekonomik mes të dy vendeve.
Së fundmi, Vuçiç ka nënvizuar nevojën e një forumi serbo-norvegjez dhe mundësitë më të mira që mund t’i hapë për bashkëpunim. Në telefonatën me kryeministrin norvegjez ai i kërkoi që investitorët norvegjezë ta rrisin prezencën në tregun e Serbisë.
Discussion about this post