“Nuk i lë agjentët të më shantazhojnë”,-ishte deklarata e presidentit të Fiorentinës, Roço Comissos, që ka nxitur shumë pikëpyetje.
Negociatat për rinovimin e kontratës së Dusan Vlahovic, i cili falë golave të tij është kthyer në një nga sulmuesit më të kërkuar në Evropë, ka bërë që të nisë një hetim për Agjencinë Ndërkombëtare të Sporteve të Beogradit.
Kjo agjenci që kujdeset për interesat e lojtarit, ka parë fuqinë e saj të rritet në botën e futbollit falë lidhjeve të thella me Partizanin e Beogradit, një nga dy skuadrat e qytetit të kontrolluara nga shteti, si dhe me disa anëtarë të qeverisë serbe.
Lidhjet me politikën e agjentëve të lojtarit të çojnë te Novac Nedic, sekretar i përgjithshëm i qeverisë së drejtuar nga presidenti Aleksandar Vucic. Nga dokumentet e kompanisë zbulohet një marrëdhënie midis Dejan Grgic, një nga partnerët e Zyrës Ndërkombëtare të Sporteve dhe Branislava Nedic, nëna e sekretarit të përgjithshëm të qeverisë.
Një pikë e fortë që bëri që agjencia të shkëlqejë ishte dhe interesi i Danilo Vucic, djalit të presidentit serb Aleksandar Vucic. Nga mediat serbe bëhet me dije se burime pranë lojtarit dhe Fiorentinës konfirmojnë se djali i presidentit (i fotografuar në disa raste në shoqërinë e tifozëve të dhunshëm të Partizanit, një pjesë konsideruar edhe si pjesë e mafias) është paraqitur si një nga agjentët e futbollistit.
Teksa njerëzit pranë presidentit e mohojnë duke shpjeguar se Danilo Vucic është thjesht një tifoz i madh i futbollit. Nga ana tjetër vetë Dusan Vlahovic nuk i përgjigjet të njëjtës pyetje, por lidhja e tij me Fiorentinën duket e destinuar të bëhet shumë më tepër se një histori që përfundoi keq./K.T/Gijotina.com
Discussion about this post