Presidenti i Serbisë Aleksandar Vuçiç, ka marrë një kërcënim me vdekje në Instagram. Një përdorues i kësaj platforme nga Beogradi, ka publikuar një video duke bërë thirrje për vrasjen e Vuçiç-it.
Ai ka publikuar fotografi të kosës, që sipas B92 simbolizon vdekjen, me përshkrimin “Për Aleksandar Vuçiç”, të shoqëruar gjithashtu me një këngë të titulluar “Je i vdekur”.
“Je i vdekur, thika është e gjatë, nata është e ftohtë, në muzg vdekja do të të vij te dera”, është teksti i kësaj kënge.
Sipas raportimeve, menjëherë pas kërcënimit, Prokuroria në Beograd ka urdhëruar organet e sigurisë që të ndërmarrin të gjitha masat e nevojshme, për ta identifikuar personin i cili është prezantuar dhe si ish-aktore tekst shkrues i këngëve.
Discussion about this post