Para se të nisej për të votuar në referendumin që e thërriti vetë ai për shkarkimi e kreu demokrat Lulzim Basha, ish-kryeministri Sali Berisha dha një prononcim për mediat për zhvillimet në PD.
“Një anti Kuvend apo një takim të shoqatës Brava-Bardhi” e konsideroi Berisha kuvendin e mbledhur sot nga kreu demokrat.
“Një ditë historike për lirinë në PD. Për pluralizmin politik shqiptar dhe mbarë shoqërinë shqiptare. Për herë të parë në histori është anëtarësia ajo që vendos sot për shkarkimin e Lulzim Bravës nga ajo detyrë që siç dëshmoi nuk e ka merituar ndonjëherë. Është një hap një kapitull i ri në rrugën e rithemelimit të PD. Referendumin e thirri Kuvendi. Sot keni një anti Kuvend apo një takim të shoqatës Brava-Bardhi,” u shpreh Berisha.
Ndër të tjera, ai dha detaje për protestën që e thirri po vetë para disa ditësh, në shenjë revolte për ardhjen e presidentit serb Alexandër Vuçiç në Tiranë për “Open Balkan”.
“Ditën e hënë ora 16:00 të gjithë demokratët në protestën e madhe në mbrojtje të interesit kombëtar por edhe kundër vjedhjes së tmerrshme të 420 mln eurove që kërkon kreu i meduzës me SPAK t’i fsheh me vlerën 3 mln euro”, tha Berisha.
Discussion about this post