Vuçiç: Orën që mbaj në dorë do ia dhuroj një fëmije në Kosovë

Presidenti i Serbisë, Aleksandar Vuçiç, ka treguar se në dorë mban orën që ia ka dhuruar ish-presidenti i Çekisë, Milosh Zeman.

Në emisionin “Hit Tweet” në TV PINK, ai iu përgjigj pyetjes së gazetarit, i cili tha se këto ditë po përflitet se presidenti serb mban një orë 500 mijë euro

Presidenti e hoqi orën nga kyçi i dorës dhe ia tregoi kamerës. Ai tha se orën ia ka dhënë në vitin 2019 ish-presidenti i Republikës Çeke, Milosh Zeman.

“Ka edhe një përkushtim. Për Aleksandar Vuçiçin, Presidenti i Republikës Çeke, Miloš Zeman, më 11 shtator 2019”, ka lexuar Vuçiç.

Thuhet se bëhet fjalë për një orë “Prima” të prodhuar në Çeki, modelet e së cilës kushtojnë nga 500 deri në 3000 euro.

“Ky model kushton rreth 1000 euro. Unë e di këtë sepse e kam çuar për vlerësim. E dini, është një dhuratë dhe si e tillë duhet t’i mbetet shtetit. Megjithatë, kam të drejtë ta blej përsëri, pasi ka vlerë sentimentale për mua. Prandaj kërkova vlerësim”, ka shpjeguar Vuçiç.

Ai gjithashtu tha se planifikon t’ia dhurojë atë orë fëmijës së parë të lindur në Kosovë në vitin 2024:

“Këtë orë do ta marrë ndonjë djalë apo vajzë nga Kosova”.