Vuçiç shkon në Moldavi, njofton takime me Macron, Scholz dhe liderë të tjerë të BE-së

Presidenti i Serbisë, Aleksandar Vuçiç, ka konfirmuar pjesëmarrjen në Samitin e Komunitetit Politik Evropian, që mbahet këtë të enjte në Chisinau në Moldavi.

Sipas agjendës së publikuar, ai sot të zhvillojë takime me liderët më të fuqishëm evropianë, me Kancelarin e Gjermanisë, Olaf Scholz dhe Presidentin e Francës, Emmanuel Macron.

Gjithashtu, kreu serb do të zhvillojë takime edhe me kancelarin e Austrisë, Karl Nehammer, kryeministrin e Çekisë, Peter Fijala, presidentin e Malit të Zi, Jakov Milatoviç.

Edhe shefi i politikës së jashtme të BE-së, Josep Borrell, pritet të takohet me presidentin e Serbisë, Aleksandar Vuçiç.

Udhëheqësit e 27 vendeve të Bashkimit Evropian dhe të 20 vendeve të tjera evropiane mblidhen sot në Kishinjev të Moldavisë, për të diskutuar një varg çështjesh, mes tyre edhe tensionet në veri të Kosovës, raporton agjencia e lajmeve Reuters.

Një ditë më herët, Borrell takoi në Bratisllavë kryeministrin e Kosovës, Albin Kurti.

Në një postim në Twitter pas takimit, Borrell tha se situata në veri të Kosovës është “e rrezikshme dhe e paqëndrueshme”.