Ka mbërritur në Tiranë, presidenti serb Aleksandër Vuçiç. Pavarësisht dilemës së tij për të marrë pjesë në samitin BE-Ballkani Perëndimor në Tiranë, Vuçiç konfirmoi përfundimisht dje pjesëmarrjen e tij në samit.
Presidenti serb tha para gazetarëve se nuk kishte si të mungonte në një samit të tillë, ndërsa shtoi se Serbia mbetet e vendosur në rrugën drejt BE.
Vuçiç: Disa reagime zyrtare për çështjen e Kosovës dhe dialogun, kjo ishte arsyeja kryesore. Por në fund pas konsultimeve që bëmë brenda shtetit vendosëm të vinim sepse jemi të përkushtuar ndaj dialogut dhe negociatave me BE. Mbetemi të vendosur në rrugën me BE. Nuk po them që nuk jam…jam realist. Jam këtu të mësoj shumë nga BE dhe rajoni dhe t’i dëgjoj, në fund do shpjegoj qëndrimin e Serbisë.
Discussion about this post