Dejan Vukicevic, trajneri i Laçit, pas ndeshjes me Tiranën që e barazuan 3-3 foli në Oversport: “Jam i kënaqur me shumë gjëra, me shumë nuk jam, por një pikë mund të ndihmojë për të kthyer situatën. Kam besim te të gjithë që janë rreth ekipit.
Ajo që më intereson është ekipi dhe jam mëse i sigurt që ekipi pak nga pak do të ecë përpara, pasi me Ujkën dhe Allën e Ariel mirë fizikisht, ky do të jetë ekip tjetër. Po presim Shkurtajn dhe jam i sigurt që pak nga pak ky ekip do të ngjitet në tabelë”.
“Pak nga pak po kthehen fizikisht në gjendje lojtarët që na duhen. Akoma nuk kemi luajtur me më të mirët, pasi ata që nuk kanë luajtur, nuk ishin mirë fizikisht dhe kanë cilësi të madhe. Dhe për këtë arsye kemi ndërruar ekipin pak nga pak derisa të jemi të gjithë fizikisht mirë dhe skuadra do të kompletohet.
Edhe për sot e thashë që jam i kënaqur për shumë gjëra e për disa të tjera jo. Jam i kënaqur me këtë pikë këtu, me shumë gjëra të mira që kam parë, për shumë lojtarë të mirë që kanë luajtur sot, për vullnetin deri në fund që të mos humbim këtë ndeshje, që na ka humbur në ndeshjet e tjera”.
“E kemi bërë skemën gjatë stërvitjeve si të mbroheshim ndaj tyre dhe na bëri tre gola, është hera e parë në karrierë që më shënon tre gola në një ndeshje një lojtar. Por 2 nga 3 i shënoi pas gabimeve tona.
Gjithmonë u them lojtarëve që të respektojnë topin, të mos e humbin lehtë, shpesh e humbëm lehtë dhe humbëm besimin. Ky moment mbaroi, një ndeshje e mirë për tifozët dhe e bukur për t’i parë, për trajnerët e tjerë që të analizojnë gjëra dhe me këtë pikë do të përgatitemi për ndeshjet e tjera për të shkuar më lart”, tha Vukicevic.
Discussion about this post