Një nga aplikacionet më të përdorur në mbarë botën është dhe Whatsapp. Ndërkohë kjo platformë komunikimi do të pasojë nga një valë ndryshimesh. Kompania META, ka bërë të ditur se ndryshimet tani do të përfshijnë dhe mesazhet.
“Për privatësi të shtuar, mesazhet e reja do të zhduken për të gjithë nga biseda pas kohëzgjatjes që zgjidhni”, thuhet në njoftim.
Lexo edhe: Sërish probleme me “WhatsApp”/ Përdoruesit bllokohen, nuk dërgojnë dot mesazhe
Kështu tashmë për të gjithë përdoruesit e aplikacionit mesazhet e shkëmbyera do të mund të fshihen në mënyrë automatike. Kjo pas një kohe të caktuar duke rritur kështu privatësinë e përdoruesit në një kohë që sot privatësia është tema e ditës për të gjithë. Pak ditë më parë kompania solli një tjetër ndryshim. Ndryshimi ka të bëjë me foton e profilit. Përdoruesit do të kenë mundësi të përdorin avatarë të personalizuar duke përdorur emoji të ndryshëm. Si dhe duke krijuar personazhe të ndryshme vizatimore duke i dhënë kështu një pamje të re profilit.
Discussion about this post