Duket se programuesit e aplikacionit të njohur WhatsApp kanë vendosur të sjellin për përdoruesit e platformës, një tjetër surprizë, të këndshme (për disa, të paktën), duke e bërë këtë aplikacion, akoma më të sigurt.
Rezulton se mundeni, të paktën në versionin e ri beta të aplikacionit, të fshihni numrin tuaj. WhatsApp po shton një shtresë shtesë sigurie në funksionin e aplikacionit të tij, duke i lejuar njerëzit të fshehin numrat e tyre të telefonit nga të tjerët.
Funksioni i quajtur “privacy number of phone”, thuhet se është i disponueshëm për të gjithë testuesit beta të Android dhe iOS.
Me këtë, përdoruesit mund të marrin pjesë në biseda dhe të tregojnë reagimet e tyre ndaj mesazheve duke fshehur emrat dhe numrat e tyre të telefonit nga anëtarët e tjerë të komunitetit.
Zakonisht, në WhatsApp, emrat e pjesëmarrësve fshihen nga njëri-tjetri, përveç administratorëve, natyrisht. Sipas WABetaInfo, ky anonimitet humbi shpejt kur përdoruesit do të reagonin ndaj një mesazhi në grupin e njoftimeve të komunitetit.
Tani, WhatsApp po teston veçorinë e Privatësisë së Numrit të Telefonit në aplikacion. Raporti pretendon se veçoria e privatësisë së numrit të telefonit do të jetë e disponueshme në menunë e informacionit të grupit të njoftimeve të komunitetit.
Kur e aktivizoni, do të shfaqet një paralajmërim, duke deklaruar se ndërsa numri juaj do të jetë i fshehur, disa njerëz mund ta shohin përsëri, duke përfshirë njerëzit që ju kanë ruajtur si kontakt dhe ata që e kanë numrin tuaj nga biseda të tjera.
Aktualisht, mund të testoni veçorinë e privatësisë së numrit të telefonit duke instaluar versionin më të fundit të WhatsApp-it beta për Android dhe iOS.
Discussion about this post