Gjatë regjistrimit të një serie, në “YouTube” rreth fitimit dhe humbjes së peshës, aktori Will Smith pranoi se kishte menduar të kryente vetëvrasje. Mediat shkruajnë se në filmin “Best Shape of My Life”, Will Smith dëshiron të humbasë nëntë kilogramë në njëzet javë. Por seriali tregon shumë më tepër sesa thjesht gjendjen e aktorit.
Gjatë një pjese në trailer, Will shihet duke fshirë lotët nga sytë dhe duke thënë:
Kjo ishte e vetmja herë në jetën time që kam menduar ndonjëherë të vetëvritem.
Në trailer, Smith tregon se gjatë udhëtimit të tij të fitnesit, ai kuptoi se duhej të fokusohej në shëndetin e tij mendor dhe të ndante të vërtetën e tij me botën.
Unë jam gati t’i tregoj botës se sa pak di për veten time.
Publikimi i dokumentarit është caktuar të përkojë me kujtimet e ardhshme të Smith, “Will”, që do të dalë më 9 nëntor. Smith shihet duke punuar në një tavolinë për të përfunduar librin e tij në trailerin për filmat e tij dokumentar. Episodi i parë do të publikohet në YouTube më 8 nëntor.
