Me botimin e librit të tij autobiografik “Spare” princi Harry i Britanisë së Madhe mund të krijojë sërish tensione brenda familjes mbretërore. Botimi pritet të dalë këtë javë.
Princ Harry pretendon se është sulmuar fizikisht nga vëllai i tij, Princ William. Sipas tij, kjo gjë ka ndodhur gjatë një sherri për martesën e tij me Meghan Markle.
“The Guardian” ka marrë një kopje të “Spare” – librit të shumëpritur të Dukës së Sussex-it.
Në një pjesë të librit, pretendohet se William e kapi vëllain e tij duke e rrëzuar në dysheme. Harry vazhdon të pretendojë se William e kishte quajtur aktoren amerikane, me të cilën ai tashmë dy fëmijë, si “të vështirë”, “të vrazhdë” dhe “mizore”.
“Gjithçka ndodhi kaq shpejt. Shumë shpejt. Ai më kapi për jake dhe më rrëzoi në dysheme.”, thuhet se ka shkruar Harry në libër. “U shtriva për një moment, i trullosur, më pas u ngrita në këmbë dhe i thashë të dilte jashtë”, vazhdohet më tej në librin e tij.
Incidenti dyshohet se ka ndodhur në Nottingham Cottage në vitin 2019 kur Harry jetonte atje dhe filloi kur William mbërriti dhe u ankua për Meghan.
Dalja e autobiografisë së princ Harry “Spare” do të krijojë sërish ftohje dhe largim nga i ati dhe vëllai i tij.
Discussion about this post