Barcelona mori vetëm 1 pikë në transfertë me Getafen javën e shkuar, por në fund të sfidës trajneri katalanas Xavi Hernandez u ankua për fushën dhe diellin.
Në konferencën për mediat në prag të sfidës me Atletico Madridin, Xavi ka folur sërish për të njëjtën temë, pasi ndeshja e nesërme do të luhet në orën 16:15.
“Jam i kritikuar për gjithçka. Asgjë nuk më shqetëson. Sado meme të më bëjnë, dielli më pengon. Fusha e thatë nuk na bën dobi.
Unë nuk do të ndalem derisa të ketë një standard për sipërfaqen. Në të gjitha sportet ka. Në golf, nëse bari është i lartë, ai pritet.
Nëse Lebron ka një fushë të lagësht, ajo thahet. Nëse bie shi ne tenis ndalet. Dhe ne mund të luajmë në pellgje…nuk do të mbyll gojën…Nuk është çështje rezultati, e them edhe kur të fitoj.
Ne do të kujdesemi për këtë, nëse duam një shfaqje, do të kujdesemi për të. Nëse luajmë me diellin, bari thahet. Unë nuk do të ndalem”, deklaroi Xavi.
Discussion about this post