Xavi Hernandez do të debutojë si trajner në Champions League përballë Benfikas, sfidë shumë e rëndësishme për fatet e katalanasve për një kualifikim në fazën tjetër. Trajneri Xavi ka theksuar se kërkon përqendrim maksimal nga lojtarët e tij.
“Jemi gati për nesër. Fitorja na kualifikon në raundin tjetër, prandaj e cilësoj si një shans të artë për ne.
Barcelona nuk merr pjesë në këtë kompeticion për të bërë një figurë të mirë dhe kaq. Më lini të jem optimist.
Benfika është shumë e fortë fizikisht, kanë lojtarë anësorë teknikë që dinë ta rrisin ritmin e ndeshjes.
Jam më shumë se i kënaqur për fitoren ndaj Espanyolit. Mora ndjesi të mira nga skuadra, edhe pse vuajtëm.
Dominuam për 80 minuta, bëmë presing lart dhe i mbyllëm ata në gjysmëfushën e tyre”, tha Xavi në konferencën për shtyp para ndeshjes me Benfikan në Champions.
Discussion about this post