Ish mesfushori i Barcelonës, aktualisht trajneri i Al Saad, Xavi Hernandes, ka komentuar se atij i është ofruar mundësia për të drejtuar klubin e Barcelonës në janar të vitit 2019, por ai e ka refuzuar.
Në atë kohë, Xavi sapo e kishte nisur detyrën me klubin e ri, dhe kur iu ofrua drejtimi i stolit katalanas, ai thjesht nuk ishte gati.
“Po, tani ndihem i gatshëm të trajnoj çdo ekip në botë,” tha fillimisht Xavi rreth kësaj çeshtje.
“Kur më bënë ofertën, kisha vetëm tre muaj trajner, por tani gjërat janë ndryshe. Kam shumë përvojë dhe po mësoj shumë këtu.”
“Dua t’u them të gjithëve se jam shumë i lumtur këtu në Katar, dhe do të vazhdoj ta stërvis këtë skuadër,” mbylli komentin e tij ish ylli katalanas, ku në dukje i jep fund spekullimeve për rikthimin e tij në Camp Nou, ku situata mes klubit dhe trajnerit aktual Koeman, nuk duket shumë e qetë.
