Xavi i anuloi intervistën? Reagon Pique

Gerard Pique e ka mohuar se trajneri Xavi Hernandez i ka anuluar një intervistë në një TV, duke theksuar se ky është vetëm një lajm i rremë.

Mbrojtësi i Barcelonës ka thënë se intervista që ai duhej të jepej për programin ‘El Hormiguero’ është anuluar nga ai vetë, ndërsa ka shtuar se ish-shoku i skuadrës që tashmë drejton stolin nuk ishte fare në dijeni për këtë fakt.

“Xavi nuk e di madje se unë e kam anuluar vizitën time te El Hormiguero”,- u shpreh Pique.

Më tej lojtari shtoi: “Njerëzit flasin sepse mediat shkruajnë për gjërat që njerëzit duan t’i dëgjojnë. Njerëzit lexojnë dhe konsumojnë. Problemi janë ata që shpikin”. 

Rikujtojmë se Xavi Hernandez mori drejtimin e Barcelonës në një kohë kur ekipi ndodhej në vendin e 9 të La Ligas, me 11 pikë më pak nga Real Sociedad që ndodhet në vendin e parë.

Ndërsa ndeshja e tij e parë si trajner i Barcelonës do të jetë kundër Espanyolit më 20 nëntor në Camp Nou./K.T/Gijotina.com