Marrja e drejtimit të stolit të Barcelonës nga Xavi Hernandez nga drejtuesit e katalanasve dhe jo vetëm pritet të sjellë ndryshim të ndjeshëm në ecurinë e tyre.
Megjithatë së fundmi është zbuluar buxheti që krerët e Barçë i kanë lënë në dispozicion ish-mesfushorit të tyre për merkaton e janarit.
‘ESPN’ raporton se buxheti i transferimeve që do të shpenzojë Barcelona është shumë i ulët, vetëm 10 milionë euro.
Kjo shifër lidhet me shkarkimin e trajnerit të mëparshëm, Ronald Koeman, gjë e cila ka bërë që të preken ndjeshëm burimet financiare të klubit.
Megjithatë duhet theksuar se për pretendimet që kanë drejtuesit e Barçës në rezultatet kjo shifër nuk i lë shumë mundësi Xavit, i cili duhet të ngrejë skuadrën nga pikiata që ka marrë duke u renditur në vendin e 9 të La Ligas./K.T/Gijotina.com
Discussion about this post