Xavi thuhet se dëshiron të afrojë Mohamed Salah në Camp Nou “me çdo kusht” dhe është i etur për të ndërtuar skuadrën e ardhshme të madhe të Barcelonës rreth superyllit egjiptian.
Trajneri i ri i Barçës tashmë ka bërë bujë të madhe që nga emërimi i tij duke rikthyer ish-bashkëlojtarin Dani Alves.
Presidenti Joan Laporta ka marrë kritika të mëdha në muajt e fundit pas largimit të Lionel Messit, por shpreson se blerja e një lojtari si Salah do të rikthejë njëfarë krenarie në reputacionin e tij.
29-vjeçari ka qenë në formë super të mirë për ‘Reds’ këtë sezon, me 15 gola në 15 ndeshje në të gjitha kompeticionet, duke përfshirë 7 në vetëm 4 dalje në Champions League.
‘El Nacional’ raporton se si Barcelona mund të bëjë lëvizjen e saj për “Mbretin egjiptian”.
Kontrata e tij aktuale në Anfield skadon në qershor 2023 dhe merkatoja e verës është e fundit në të cilën klubi mund të kërkojë një tarifë për Salah.
Ish-lojtari i Romas dhe Chelsea ka shprehur dashurinë e tij për Liverpoolin në të kaluarën, por ka treguar se nuk është në duart e tij nëse do të mbetet apo jo aty.
“Nëse më pyet mua, do të doja të qëndroja deri në ditën e fundit të karrierës sime futbollistike, por nuk mund të them shumë për këtë – nuk është në duart e mia”, tha ai për Sky Sports muajin e kaluar.
“Për momentin nuk mund ta shoh veten duke luajtur kundër Liverpool-it. Kjo do të më trishtonte. Është e vështirë, nuk dua të flas për këtë, por do të më trishtonte shumë.”-shtoi lojtari.
Për momentin, fokusi i Salah do të jetë i vendosur te Liverpool dhe përballja e tyre në shtëpi me Arsenalin pas 20 nëntorit.
Skuadrat e Jurgen Klopp nisen për këtë ndeshje, pasi pësuan humbjen e parë të sezonit në Premier League kundër West Ham United para pushimit ndërkombëtar dhe do të jenë të etur për të reduktuar diferencën prej katër pikësh mes tyre dhe liderëve të ligës, Chelsea./K.T/Gijotina.com
Discussion about this post